Umboðsmaður barna hefur óskað eftir að heyra frá börnum og fá þeirra sýn og reynslu af því að vera barn á þessum tímum. Í samstarfi við KrakkaRÚV vinnur umboðsmaður barna að nýju verkefni undir heitinu „Áhrif kórónuveirunnar á líf barna“. Tilgangur þess er að safna saman frásögnum barna um líðan þeirra og reynslu af þeim breytingum sem kórónufaraldurinn hefur haft á daglegt líf svo sem skólagöngu barna, þátttöku í tómstundum og aðstæður þeirra heima fyrir. Sérstaklega er óskað eftir myndböndum en einnig er hægt að senda inn ljóð, ritaðar hugleiðingar, hljóðbrot, hlaðvörp, teikningar, viðtöl og hvaðeina.
Nánari upplýsingar um verkefnið, skil og fleira má finna hér á heimasíðu skólans undir sérstökum hnappi efst til vinstri á síðunni.