Þessir skemmtilegu 7. bekkingar fóru í Hrútafjörðinn í morgun en þau munum dvelja í skólabúðunum að Reykjum fram á föstudag. Þar læra þau ýmislegt, meðal annars að búa fjarri foreldrahúsum á ókunnugum stað, sjá um sig, hafa reglu á fötum og farangri sínum og halda herberginu sínu snyrtilegu. Við þetta njóta nemendurnir tilsagnar kennara sinna og starfsfólki skólabúðanna.
Starfið í skólabúðunum beinist í öllum aðalatriðum að sömu markmiðum og starfið í almennum grunnskólum. Þar er lögð sérstök áhersla á eftirfarandi uppeldis- og félagsleg markmið og að því stefnt:
– að auka samstöðu og efla samvinnu milli kennara og nemenda
– að auka félagslega aðlögun nemenda
– að þroska sjálfstæði nemenda
– að nemendur fáist við áður óþekkt viðfangsefni
– að nemendur kynnist nýju umhverfi og ólíkum lífsmáta
– að örva löngun nemenda til að athuga og rannsaka umhverfið og komast að niðurstöðu
– að auka athyglisgáfu nemenda
Þetta verður sannarlega skemmtileg upplifun fyrir krakkana.