Keppt var um Halldórsbikarinn á sundmóti miðstigs í morgun. Þar var ekkert gefið eftir en sigurvegarar eftir hnífjafnt úrslitasund við 6. ÍH voru krakkarnir í sjötta bekk. Við óskum þeim innilega til hamingju.
Fatamarkaðurinn okkar hefur sannarlega slegið í gegn og margir nemendur hafa valið sér nýja flík á hringrásarmarkaðinum og gefið notuðu nýtt líf.
Krakkarnir í fjórða bekk voru sérstaklega heppin í morgun en þau nældu sér í gamla Glerárskólaboli sem Brynja ritari hafði geymt árum saman. Þau klæddu sig öll í bolina sína í frímínútunum og komu kennurunum sínum verulega á óvart verandi öll eins klædd.