Skúli B. Geirdal fjölmiðlafræðingur og verkefnisstjóri hjá Fjölmiðlanefnd heimsótti nemendur sjötta bekkjar í dag og fór með þeim yfir mikilvægi þess að vera læs á upplýsingar og miðla í nútíma samfélagi.
Hann útskýrði Hvernig algóritmar samfélagsmiðlanna virka og hvaða áhrif þeir geta haft á skoðanamyndun okkar og heimsmynd. Hann ræddi hvað hafa þarf í huga varðandi samskipti á netinu, áreiti frá ókunnugum og deilingu nektarmynda, svo eitthvað sé nefnt.
Erindi hans byggir á niðurstöðum rannsóknar Fjölmiðlanefndar í samstarfi við Menntavísindastofnun Háskóla Íslands og Maskínu.
Við minnum foreldra á fundinn sem Skúli er með í Síðuskóla í kvöld en þar fer hann yfir þessi mál með foreldrum grunnskólabarna. Fundurinn hefst klukkan 20.00.