Það var mikil spenna og heilmikil stemning í miðlotunni hjá okkur í morgun en þá fór fram hin árlega söngkeppni Glerárvision.
Alla jafna fer keppnin fram seinni hluta haustmisseris en vegna ástandsins í samfélaginu var keppninni seinkað og fyrirkomulagi hennar breytt. Keppnin er alla jafna haldin á sviði fyrir framan alla nemendur skólans en því var ekki til að dreifa núna. Atriðin voru tekin upp á myndband, þau klippt saman og sýnd í hverri kennslustofu fyrir sig.
Sigurvegari Gerárvision í ár var 9KJ sem flutti Waka Waka sem Shakira gerði vinsælt hér um árið. Í umsögn dómnefndar kom fram að lagið hafi verið vel flutt og söngur hafi verið góður, dansarnir ljómandi, búningar vel við hæfi og keppendurnir hafi sannarlega notið sín við flutninginn. Krakkarnir í 8RLB höfnuðu í öðru sæti og stelpurnar í sjöundabekk í því þriðja.
Í ár voru í fyrsta skipti veitt sérstök áhorfendaverðlaun og þar fór 9KJ einnig með sigur af hólmi. 9SLB var í örðu sæti hjá áhorfendum og 8FP í því þriðja.
Hér má sjá viðbrögð nemenda í 9KJ þegar úrslitin voru kynnt og hér er vinningslagið þeirra.