Hrekkjavakan hefur verið nokkuð áberandi í Glerárskóla nú í vikunni. Ein af kennslustofnum skólans hefur verið skreytt í hólf og gólf. Þangað fara allir bekkir í heimsókn og nemendurnir njóta þess að verða pínu hræddir. Eftir heimsókn í „hryllingsstofuna“ er tekið á móti nemendunum í bókasafni skólans þar sem rætt er við þau um þjóðsagnaarfinn, myrkfælni og draugasögur.
Á morgun, föstudaginn 1. nóvember, stendur nemendaráð Glerárskóla fyrir búningadegi í tilefni hrekkjavökunnar og skólinn hvetur alla til þess að mæta í búningum og að sjálfsögðu á að skilja öll vopn sem fylgja búningunum eftir heima.