Þemadagarnir í síðustu viku heppnuðust vonum framar, en á fimmtudag og föstudag var vikið frá hefðbundnu skólastarfi þegar allir nemendur skólans veltu fyrir sér jafnrétti í sinni víðtækustu mynd og unnu fjölmörg spennandi verkefni undir leiðsögn kennara sinna.
Nemendur á hverju aldursstigi fyrir sig unnu saman, fengu fræðslu og sökktu sér niður mál sem oft þóttu flókin en leiddu af sér skilgreiningar og eftirtektarverðar úrlausnir.
Nemendur á miðstigi fylktu meðal annars liði og fóru í hamingjugöngu frá skólanum niður í miðbæ með borða og veifur til að minna alla á mikilvægi þess að sofna ekki á verðinum heldur stuðla að sem mestu jafnrétti fyrir alla, alltaf!
Verkefnið er hluti að ERASMUS verkefni sem Glerárskóli vinnur með grunnskólum Í Englandi, Póllandi, Tyrklandi og á Spáni.
Tveir nemendur í níunda bekk, þeir Kristinn Viðar Tómasson og Grímur Freyr Hafrúnarson mynduðu vinnu nemenda og settu saman myndband sem finna má hér.