„Sjóræningjasendiboð“ er magnað orð. Það er mjög langt og þegar maður er í þriðja bekk þá getur verið ansi erfitt að lesa það. En við förum í skóla, einmitt til að læra og lesa og skrifa sjóræningjasendiboð, ásamt mörgu, mörgu fleiru.
Ef vel er að gáð búa mörg skemmtileg orð innan orðsins „sjóræningjasendiboð“ og stöfnunum má raða upp og búa til fjöldann allan að nýjum orðum eins og til dæmis „æringi“ og „grenja“. Flestir vita nú hvað „grenja“ þýðir en færri vita ef til vill að „æringi“ þýðir fjörkálfur eða ærslabelgur.
Krakkarnir í þriðja bekk voru að leika sér með orðið „sjóræningjasendiboð“ í dag og fundu þar ansi mörg orð falinn. Væri ekki gaman að fara með fjölskylduna í orðaleik við tækifæri og byrja þá e.t.v. á orðinu „sjóræningjasendiboð“.