Nemendur í sjöunda, áttunda og níunda bekk Glerárskóla fengu glaðning á dögunum frá Landlæknisembættinu, viðurkenningu fyrir að vera tóbaks- og rafrettulausir bekkir.
Viðurkenningin var besta bók í heimi, eins og einn kennarinn orðaði það. Auð vasabók sem þau geta fyllt að eigin vali, með skrifum, ljóðum, teikningum eða hugrenningum sínum. Seinna, eftir 30 ár eða svo gæti kverið orðið skemmtilegasta bók í heimi.
Á myndinni má sjá kampakáta krakka úr 7JIE með kompuna góðu.