Nú á haustmánuðum eru skólar bæjarins að fara af stað með átak í læsi undir heitinu LITBRIGÐI LÆSIS – læsi er lykillinn. Markmiðið er að Akureyri verði hraðlæs bær þar sem allir hjálpast að við að bæta stöðuna.
Af því tilefni skrifuðu krakkarnir í 5. bekk póstkort til einstaklinga að eigin vali þar sem þeir sögðu þeim í nokkrum orðum frá mikilvægi læsis. Soffía Vagnsdóttir fræðslustjóri Akureyrarbæjar og Helga Hauksdóttir fulltrúi skóladeildar í stýrihóp um læsi, komu síðan á degi læsis (8. september), og náðu í póstkortin til að setja þau í póst.
Athöfnin gekk ljómandi vel fyrir sig og krakkarnir stóðu sig með sóma, allir sem einn.