Nemendur í 4. bekk hafa undanfarið kynnt sér landnám norrænna manna á Íslandi upp úr 874.
Nemendunum var skipt niður í hópa og hver hópur dró sér einn landnámsmann eða konu til að kynnast, vinna með og kynna fyrir samnemendum sínum. Landnámsmennirnir sem komu upp úr hattinum voru; Bárður, Þorgerður, Hrafna-Flóki, Auður djúpúðga og Ingólfur Arnarson.
Hver hópur aflaði sér upplýsingar um sinn landnámsmann/konu úr bókum og ipödum áður en þau gerðu upplýsandi veggspjald þar sem merkt var inn á kort af Íslandi staðurinn þar sem þau námu land.
Þessi vinna nemendanna kemur inn á alla þætti lykilhæfni sem unnið er út frá samkvæmt Aðalnámskrá grunnskóla þ.e. tjáning og miðlun, skapandi og gagnrýnin hugsun, sjálfstæði og samvinna, nýting miðla og upplýsinga og a síðustu ábyrgð og mat á eigin námi.