Það má með sanni segja að það hafi verið hryllilegir dagar í Glerárskóla í síðustu viku. Þá var hrekkjavakan sem sífellt skipar stærri sess í hugum nemenda.
Nemendaráð setti upp hryllilegar skreytingar í matsalnum okkar og bauð upp ball, bæði fyrir miðstig og yngsta stig – og auðvitað voru allir klæddir í sína hryllilegustu búninga og andlitsmálningin var ekki spöruð.
Mötuneytið kórónaði vikuna með því að bjóða upp á grænan grjónagraut í hádeginu á föstudaginn. Hann þótti gómsætur.