Krakkarnir í fyrsta bekk voru ansi ánægðir með að hitta hana Greppikló í skólanum en þeir unnu margvísleg verkefni um hana í byrjendalæsi fyrr í vetur. Gert er ráð fyrir því að Greppikó verði í Glerárskóla út mánuðinn, hið minnsta, öllum til mikillar gleði.
Greppikló er ein af sjö fígúrum úr barnabókum sem krakkar á Sumarlestranámskeiði Amtbókasafnsins hönnuðu og smíðuðu síðasta sumar.
Næsta sumar er stefnt að því að smíða sex fígúrur til viðbótar og í haust verða þær settar niður víðsvegar um Kjarnaskóg og verða þar uppistaðan í ævintýralegum ratleik sem allir geta fengið að taka þátt í.