Við látum ástandið í samfélaginu ekki stöðva Glerárvision. Keppnin hefði reyndar átt að fara fram í lok haustannarinnar en ákveðið var að fresta henni fram yfir áramót og stóri dagurinn verður 16.febrúar.
Glerárvision er söngkeppni Glerárskóla og eru nemendur á unglingastigi þegar farnir að leggja drög að atriðunum sínum, velja lög, semja dansspor og æfa raddböndin. Viðburðurinn verður reyndar með breyttu sniði í þetta sinn, atriðin verða tekin upp ásamt kynningum og skemmtiatriðum. Öllu verður síðan skeytt saman og búin til flott sýning sem bekkir skólans horfa á, hver í sinni stofu.