Opnað hefur verið fyrir tilnefningar fyrir framúrskarandi skólastarf á vef Akureyrarbæjar en árlega er þeim einstaklingum eða stofnunum veittar viðurkenningar sem skarað hafa fram úr í skólastarfi hér á Akureyri. Markmiðið með viðurkenningunum er að vekja sérstaka athygli á því sem vel er gert og hvetja þá sem fyrir valinu verða til þess að halda áfram því góða starfi sem þeir eru að vinna. Viðurkenning er einnig staðfesting á að viðkomandi skóli/kennari/nemandi er fyrirmynd annarra á því sviði sem viðurkenning nær til.
Frestur til að skila inn tilnefningum er til 9. apríl. Viðurkenningarnar verða afhentar á hátíð í Menningarhúsinu Hofi þann 2. maí kl. 16:30.
Hér er hlekkur á form sem tilvalið er að fylla út, finnist ykkur ástæða til þess að tilnefna kennara skólans, nemendur, starfsfólk, eintök verkefni eða skólann sem heild.