Það var ansi gaman hjá krökkunum á miðstigi í morgun. Þau fengu lifandi og skemmtilegan fyrirlestur frá rithöfundunum og sjónvarpsfólkinu Evu Rún Þorgeirsdóttur og Sævari Helga Bragasyni. Þau fjölluðu á fjörugan hátt um töframátt bóka og hvernig þær geta breytt heimi okkar.
Með hjálp nokkurra nemenda bjuggu þau til tvær ævintýrasögur á staðnum, þar sem við sögu komu fljúgandi indíáni, berfætur strákur í flugvél, könguló, gosbrunnur og sitthvað fleira.
Krakkarnir fylgdust spenntir og áhugasamir með fyrirlestrinum og sögunum sem þar urðu til.