Nemendur í leikskólunum Holtakoti og Kiðagili komu í heimsókn til okkar í Glerárskóla á föstudaginn. Gestirnir eru allir væntanlegir nemendur í fyrsta bekk Glerárskóla næsta vetur. Krakkarnir fengu að skoða skólann, heimsækja fyrsta bekk, skoða sundlaugina og bókasafnið, svo eitthvað sé nefnt.
Gestirnir voru pínu feimnir en afar áhugasamir og greinilegt var krakkarnir hlakka til að stíga stóra skrefið úr leikskóla yfir í grunnskóla, þótt einhverjum þykir erfitt að bíða fram á næsta haust!