Það var frábært gönguveður í morgun þegar átakið „Göngum í skólann“ hófst. Þátttaka nemenda er yfirleitt afar góð meðan átakið stendur yfir enda hátt hlutfall nemenda sem ýmist gengur í skólann á degi hverjum eða hjólar meðan jörð er auð.
Átakið stendur fram í miðja næstu viku. Við vonum að forráðamenn nemenda hjálpi við átakið með því að hvetja krakkana til þess að ganga í skólann eða hjóla enda er hreyfing að morgni ávísun á góðan dag.