Glerárskóli

Sími: 461 2666
Skrifstofan er opin virka daga á starfstíma skólans
frá 07:45 til 15:00
Í fríum nemenda er skrifstofan opin virka daga 10:00-12:00

Skóladagatal 2017-2018

desember 2017
M Þ V F F S S
« nov    
 123
45678910
11121314151617
18192021222324
25262728293031

Skólasafn

Skólasafnið er til húsa í stjórnunarálmu skólans.
Á safninu er að finna úrval fræði- og skáldrita til útlána fyrir nemendur og starfsfólk skólans. Einnig er þar að finna tímarit, myndefni, hljóðbækur, spil og ýmiss konar kennslugögn sem og sjö spjaldtölvur og sex fartölvur. Fjórar borðtölvur eru til taks fyrir nemendur í frímínútum og til verkefnavinnu.

Almennur útlánstími bóka er tvær vikur en kennslubækur eru lánaðar nemendum í annarláni og gögn til kennara í vetrarláni eða eftir samkomulagi.


Útlánstímar eru:

Mánudaga kl. 8:15-10:30, 11:30-12:30 og 13:15-15:15

Þriðjudaga kl. 8:15-11:15 og 12:35-15:15

Miðvikudaga kl. 8:15-11:15, 12:05-12:35 og 13:15-15:15

Fimmtudaga og föstudaga kl. 8:15-8:55

Fyrir 8.-10. bekk er opið í frímínútum og hádegishléi mánudaga, þriðjudaga og miðvikudaga. Lokað er í löngu frímínútum á mánudögum og hádegishléi á miðvikudögum.


Starfsmaður er til taks á safninu og veitir þeim aðstoð sem á þurfa að halda. Safnið er þó lokað þegar skólasafnskennsla fer þar fram.

 

Á skólasafninu fer fram fjölbreytt vinna og nemenda og kennara.
2. – 7. bekkur fær boð um safnkennslu í samráði við umsjónarkennara og unglingadeildir fá aðstoð við upplýsingaleit og vinnu að verkefnum í samráði við fagkennara. Sögustundir eru haldnar fyrir yngstu nemendurna og mikið er lagt upp úr lestrarörvun og lestrarhvetjandi umhverfi.
Bókmenntakynningar ætlaðar nemendum eru í desember þar sem helstu jólabækur eru kynntar. Reynt er eftir föngum að fá rithöfunda í heimsókn til þess að lesa upp úr verkum sínum.

Markmið með kennslu og störfum á skólasafni eru að:
• Örva áhuga nemenda á lestri fagurbókmennta og fræðirita.
• Þjálfa lestrarfærni nemenda.
• Veita leiðbeiningar um það hvernig nýta megi safnkost.
• Þjálfa nemendur í sjálfstæðum vinnubrögðum.
• Æfa nemendur í að vinna úr heimildum, draga ályktanir og gera munnlega og skriflega grein fyrir hugmyndum sínum.

Safnkosturinn er tengdur við Landskerfi bókasafna eða Gegni (gegnir.is). Með sérstöku aðgangsorði eiga lánþegar að geta nálgast upplýsingar um safnkost og útlán á vefsíðu Gegnis.

Starfsmaður á bókasafni er Helga Katrín Thorarensen.